રાજ્ય સરકારનો મોટો નિર્ણય, વર્ષ 2025 માં પોલીસ ફોર્સમાં 14,820 જગ્યાઓ પર થશે સીધી ભરતી

રાજ્ય સરકારનો મોટો નિર્ણય, વર્ષ 2025 માં પોલીસ ફોર્સમાં 14,820 જગ્યાઓ પર થશે સીધી ભરતી

ગાંધીનગર: રાજ્યમાં સ્પર્ધાત્મક પરીક્ષાની તૈયારી કરતા તેમજ ગુજરાત પોલીસ દળમાં જોડાવા ઈચ્છુક યુવાઓ માટે રાજ્યના મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકાર દ્વારા મહત્વનો નિર્ણય લેવામાં આવ્યો છે. આગામી વર્ષ-2025માં ગૃહ વિભાગ દ્વારા રાજ્ય પોલીસ દળ, વર્ગ-3ના વિવિધ સંવર્ગોની કુલ 14820 જગ્યાઓ ઉપર સીધી ભરતી કરવામાં આવશે તેમ ગૃહ રાજ્ય મંત્રી હર્ષ સંઘવીએ જણાવ્યું છે.

હર્ષ સંઘવીએ કહ્યું કે, ગુજરાત પોલીસ ભરતી બોર્ડ દ્વારા વર્તમાનમાં ચાલી રહેલી રાજ્ય પોલીસ દળ, વર્ગ-3ના વિવિધ સંવર્ગોની કુલ-12472 જગ્યાઓની સીધી ભરતીની કાર્યવાહી પૂર્ણ થયા બાદ ગૃહ વિભાગ વર્ષ-2025માં રાજ્ય પોલીસ દળ, વર્ગ-3ના વિવિધ સંવર્ગોની આ જગ્યાઓ ઉપર સીધી ભરતી કરશે.

વર્ષ 2025માં ગૃહ વિભાગ દ્વારા જે જગ્યાઓ પર ભરતી કરવાનું આયોજન છે તેમાં નીચેની પોસ્ટનો સમાવેશ થાય છે.

129  - એસ.આર.પી.એફ.ના હથિયારી પી.એસ.આઈ

126 - વાયરલેસ પી.એસ.આઈ

35 - એમ.ટી. પી.એસ.આઈ

551 - ટેકનીકલ ઓપરેટર

45 - હેડ કોન્સ્ટેબલ ડ્રાઈવર મીકેનીક ગ્રેડ-1

25 - મોટર ટ્રાન્સપોર્ટ સુપરવાઈઝર, ગ્રેડ-2

135 - હેડ કોન્સ્ટેબલ ડ્રાઈવર મીકેનીક ગ્રેડ-2

7218 - બિન હથિયારી પોલીસ કોન્સ્ટેબલ

3010 - હથિયારી પોલીસ કોન્સ્ટેબલ

3214 - એસ.આર.પી.એફ.ના હથિયારી પોલીસ કોન્સ્ટેબલ

300 - જેલ સિપાઈ(પુરુષ)

31 - જેલ સિપાઈ(મહિલા)

આ ઉપરાંત વર્ષ-2025માં પોલીસ ખાતાની કચેરીઓની સીનીયર ક્લાર્કની 45 તથા જુનીયર ક્લાર્કની 200 જગ્યાઓ મળી કુલ-245 જગ્યાઓ પર ગુજરાત ગૌણ સેવા પસંદગી મંડળ દ્વારા સીધી ભરતી હાથ ધરવામાં આવશે.